လောလောဆယ်နေတဲ့ အိမ်ကိုရောင်းတဲ့ သူများအတွက်ကတော့ ဒီအိမ်ကို ရောင်းပြီးသွားရင် အိမ်ပိုင်ရှင် အသစ်ဆီကို သော့အပ်ပြီး မိမိက တစ်ခြားအိမ်အသစ်ကို ပြောင်းရွေ့နေထိုင်ရပါတော့မယ်။

အိမ်ပြောင်းရွေ့ရတဲ့ အလုပ်က အိမ်ပြောင်းရွေ့ဝန်ဆောင်မှု ကားတွေကို ဖုန်းဆက်ပြီး ပစ္စည်းတွေလာသယ်ခိုင်းလိုက်ရုံနဲ့ မပြီးပါဘူး။ ကလေးငယ်များ၊ အိမ်မွေးတိရစ္ဆာန်များနဲ့ အိမ်ပြောင်းဖို့ လုပ်ရတယ်ဆို ပိုပြီး ခက်ခဲပါတယ်။ အိမ်မပြောင်းခင် စီစဉ်ရတာတွေ၊ ပစ္စည်းထုတ်ပိုးရတာတွေ၊ အိမ်အသစ်မှာ နေရာချထားရတာတွေက အဆင့်တိုင်းမှာလိုလို အနဲနဲ့အများ ပင်ပန်းရပါတယ်။ ဒီလိုလုပ်ဆောင်ရမဲ့ ကိစ္စတွေ အများကြီးရှိတာကြောင့် ဒီ ရောင်းသူလမ်းညွှန်ကနေပြီး အထောက်အကူပြုနိုင်မဲ့ အကြံပြုချက်တွေကို ထည့်သွင်းရေးသားထားပေးပါတယ်။

• လစဉ်ပေးရတဲ့ ဝန်ဆောင်မှုများ Cancel လုပ်ပါ။ ဉပမာ – Internet Service, ရေကူးကန်သန့်ရှင်းရေး Service, TV (Sky-net) Service
• မိမိအသုံးပြုနေကျ Delivery Service ကို အိမ်လိပ်စာပြောင်းသွားကြောင်း အကြောင်းကြားပါ။
• မိမိအိမ်သုံးပစ္စည်းများကို စနစ်တစ်ကျ ထုတ်ပိုးပါ။
• အဖိုးတန်ပစ္စည်းများနဲ့ အရေးကြီးစာရွက်စာတန်းများကို သေချာသိမ်းပါ။
• ပြောင်းရွေ့မဲ့ ရက်ကို သတ်မှတ်ပြီး အိမ််ပြောင်းရွေ့ဝန်ဆောင်မှုကို ဆက်သွယ်ပါ။
• အိမ်သော့များကို အိမ်ရှင် အသစ်ကိုပေးပါ။
• ပစ္စည်းများ မကျန်စေရန် သေချာစစ်ဆေးပါ။
• အိမ်အသစ်ကို ရောက်ပြီဆို သော့များအသစ်လဲတပ်တာက အကောင်းဆုံးပါဘဲ။