မိမိရောင်းမဲ့ အိမ်ရဲ့ ဈေးကိုသတ်မှတ်တဲ့အခါ ဈေးကွက်ကိုလေ့လာပြီး ခေါ်ဈေး (Asking Price) ကို သတ်မှတ်ရပါတယ်။ ကာလပေါက်ဈေးထက် အများကြီးပိုပြီး ဈေးခေါ်တယ်ဆိုရင်တော့ အိမ်ရောင်းထွက်ဖို့ ခက်ခဲနိုင်ချေရှိပြီး ကာလပေါက်ဈေးအောက် ဈေးခေါ်တယ်ဆိုရင် ရောင်းသူဘက်က နှစ်နာတာမျိုးတွေရှိပါတယ်။ ပြီးတော့ ဝယ်သူဘက်ကလဲ ဈေးကွက်ထဲမှာ ရှိတဲ့ အိမ်များစွာကို လေ့လာနေတဲ့အတွက် ရောင်းသူအနေနဲ့ သတိမူရမှာက ဈေးကွက်ထဲမှာ အခြားရောင်းသူများလဲ မိမိနဲ့ ပြိုင်ဆိုင်ပြီး သူတို့အိမ်ကို ရောင်းထွက်ဖို့ ကြိုးစားနေကြပါတယ်။ အဲ့တာကြောင့် မိမိအိမ်ကို မှန်မှန်ကန်ကန် ဈေးသတ်မှတ်ဖို့ လိုပါတယ်။

အိမ်တစ်လုံးတန်ဖိုး ဘယ်လောက်ရှိလဲဆိုတာ သိနိုင်ဖို့ အတွက် နည်းလမ်း ၂ လမ်းရှိပါတယ်။

• [ ] (၁) မိမိကိုယ်တိုင် ဈေးကွက်ကို လေ့လာပြီး မိမိအိမ် ဘယ်လောက်တန်လဲဆိုတာကို ဆုံးဖြတ်နိုင်ပါတယ်။
• [ ] (၂) အကျိုးဆောင်ဆီက CMA (Comparative Market Analysis) လို့ခေါ်တဲ့ အခြားဆင်တူ အိမ်တွေနဲ့ နှိုင်းယှဥ်ပြတဲ့ စာတန်း (Report) ကို တောင်းသင့်ပါတယ်။ ဒီ Report က မိမိအိမ်ဘယ်လောက်တန်လဲ ဆိုတာကို သိနိုင်ဖို့အတွက် အထောက်အကူပြုပါတယ်။