အဝယ်ပြတယ်ဆိုတာက မိမိအိမ်ကို စိတ်ဝင်စားပြီး လာရောက်ကြည့်ရှုသူကို အိမ်ထဲမှာ လျှောက်ကြည့်ခွင့်ပေးတာကို ဆိုလိုတာပါ။ ပြောရမယ်ဆိုရင်တော့ သူစိမ်းတစ်ယောက်ကို မိမိအိမ်ထဲ ဖိတ်ခေါ်တဲ့ သဘောပါဘဲ။ ဒီလို သူစိမ်းတွေကို အိမ်ထဲမှာ လျှောက်ကြည့်ခွင့်ပေးမယ်ဆိုရင် သတိထားရမဲ့ အရာတွေကတော့ –

• [ ] မိမိအဖိုးတန် ပစ္စည်းတွေကို လုံခြုံစွာထားပါ။
• [ ] အိမ်ကို သေချာရှင်းလင်းထားပြီး အိမ်ထဲမှာ အလင်းရောင်ကောင်းဖို့အတွက် မီးတွေအကုန်ဖွင့်ထားပါ။
• [ ] Appointment မယူဘဲ ရုတ်တစ်ရက် လာကြည့်ချင်တဲ့လူကို လက်ခံဖို့မသင့်တော်ပါဘူး။
• [ ] အဝယ်ပြတဲ့အချိန် အိမ်မှာ တစ်ယောက်ထဲ မရှိသင့်ပါဘူး။
• [ ] တစ်ယောက်ထဲရှိတဲ့အချိန်မျိုးဆိုရင် အိမ်လာကြည့်သူက ကိုယ်နဲ့ စကားပြောနေပြီး သူနဲ့ ပါလာတဲ့ နောက်တစ်ယောက်က အိမ်ရဲ့ တစ်နေရာမှာ ကိုယ်မသိတာတွေလုပ်နိုင်ပါတယ်။ ပြီးတော့ တစ်ယောက်ထဲဆိုရင်လဲ အန္တရာယ်တစ်ခုခုနဲ့ ရင်ဆိုင်ရတဲ့ အချိန်မှာ ပိုခက်ခဲနိုင်ပါတယ်။
• [ ] အဝယ်ပြပြီးတာနဲ့ အိမ်တံခါးတွေကို လုံခြုံစွာပိတ်ဖို့မမေ့ပါနဲ့။