🔵 Shortlists ဆိုတာဘာလဲ။

Shortlists ဆိုတာက တူညီသောအိမ်ခြံမြေအရောင်းများကို ရွှေချယ်စုစည်းထားခြင်းဖြစ်သည်ဟု အလွယ်မှတ်နိုင်ပါသည်။ Zayyan app တွင် shortlists များကို အကျိုးဆောင်များ အတွက် shortlists များနှင့် အိမ်ခြံမြေဝယ်ရန်ရှာနေသူများအတွက် shortlists ဟူ၍ နှစ်မျိုးတွေ့ရှိနိုင်ပါသည်။

(၁) အကျိုးဆောင်များအတွက် shortlists 

အကျိုးဆောင်များအတွက် shortlists များသည် အကျိုးဆောင်များမှ မိမိစုစည်းထားသော အရောင်းစာရင်းများကို တူရာအလိုက်စုစည်းထားခြင်းဖြစ်ပါသည်။ (ဥပမာ – ပေ ၂၀-၆၀ နှစ်ထပ်အိမ်အရောင်းများ) ထိုသို့ခေါင်းစဥ် တပ်ကာ စုစည်းထားခြင်းဖြင့် မိမိအဝယ်ပြလိုသော အိမ်ခြံမြေစာရင်းများကို အလွယ်တကူမှတ်၍စုစည်းထားနိုင်ခြင်း၊ မိမိ အဝယ်အပေါ်မူတည်ပြီးမိမိပြလိုသော အရောင်းများကို တစ်ခါတည်းပို့ပေးထားနိုင်ခြင်း၊ အရောင်းစာရင်းများကို မပျောက်မပျက် သိမ်းထားနိုင်ခြင်း စသည့် အကျိုးကျေးဇူးများကို ရရှိနိုင်မည်ဖြစ်ပါသည်။ အခြားအကျိုးဆောင်များတင်ထားသော shortlists များကို သွားရောက်လေ့လာခြင်းဖြင့် အကျိုးတူအရောင်းများကို တွေ့ရှိနိုင်မည်ဖြစ်ပါသည်။ 

(၂) အိမ်ခြံမြေဝယ်ရန်ရှာနေသူများအတွက် shortlists

အိမ်ခြံမြေရှာနေသော သူများအတွက် Zayyan app တွင် “အသင့်တော်ဆုံး အိမ်ခြံမြေစာရင်းများ” ဟူ၍ ဖော်ပြထားကာ တူညီသော အရောင်းစာရင်းများ (ဥပမာ – ပင်လုံလမ်းမတန်းအရောင်းများ) ကို အကျိုးဆောင်များမှစုစည်းထားပေးခြင်းဖြင့် ပင်လုံလမ်းမတွင် အရောင်းတင်လျက်ရှိသော အရောင်းစာရင်းများကို ဝယ်ယူသူများမှ အလွယ်တကူရှာဖွေတွေ့ရှိနိုင်မှာ ဖြစ်ပါသည်။ မိမိလိုချင်သော နေရာနှင့် စျေးတန်းအလိုက် လက်ရွေးစင်အရောင်းများကို အကျိုးဆောင်များမှစုစည်းပေးထားမည်ဖြစ်သောကြောင့် လိုအပ်သော အိမ်ခြံမြေ များကို အလွယ်တကူရှာဖွေဝယ်ယူနိုင်မည်ဖြစ်ပါသည်။